الساده المحترمين القراء والزوار والاعضاء ما حدش يستهين ابدا ونهائيا بمشاكل الضرائب الناس بقت بتيجي مكاتب الزملاء المحامين او مكتبنا بمشاكل غريبه كان المفروض تتحل بسهوله ويسر ولكن الاهمال ادى لضياع حقك في مواجهة الدوله اللي طبعا عندها آليه متوحشه لتحصيل حقوقها اللي حضرتك بإهمالك او اختيارك محاسب او محام قليل الخبره ضيعت فرصتك في الدفاع عن نفسك ادامها يا ساده اعرف مشكلة لواحد غني وصاحب املاك اصبح مطارد وفقير وبنته في الجامعه شابه جميله .. جااااااااالها السكر بسبب دخول المباحث كل يوم والتاني بيتهم عشان يدوروا على ابوها اللي عليه حكم بسبب الضرايب لدرجه ان الشرطه نفسها بقت يصعبوا عليهم بس بيشوفوا شغلهم وكل ده بسبب اهمال اللي كان بيتابع مشكلتهم مع الضرايب وبعد الغنى والفلوس اصبحوا عايشين على الاعانه واللي ربنا بيبعته من هنا او هناك من اهل الخير معظم النار من مستصغر الشرر ما تهملوش ابداااااااااااااااااااااا الجوانب دي .. جواب من عندهم .. او مواعيد الطعن وما تمشيش ورا كلام موظف لانه اكيد حيدور على مصلحته كموظف اولا .. والحصيله اللي مطلوب منه يجمعها احذروا خاصه هذه الاايام واستعينوا بأهلل الخبره من المحاسبين او المحامين وما تستخسرش وتحاول تحلها بنفسك .. عشان اكيد حتنيلها .. وبدل ما تدفع ألف .. حتدفع عشره وعشرين بسبب غلطك .. وممكن تسوى معاهم على مبلغ تقبل انت بيه .. ولكن في السنه للي بعدها حتلبس في حيطه مبلغ اكبر لان عندهم اساس من السنه اللي فاتت .. ما انت راجل غني بقه .. عشان ما تضيعوش نفسكم البلد تاخد حقها وانت تحافظ على حقك وحق عيالك واموالك اللهم اني بلغت اللهم فأشهد محام / هانى عادل

أكثر...